Kasabay sa pagpatak ng mga luha mahal
Sa iisang hakbang tayo ay nagkahiwalay
wala akong hinangad kundi ang yong tagumpay
Buong puso iaalay aking pagmamahal
Umasa ka at kahit pa ikaw ay magtagal
Sa langit tinatanaw aking mga pangarap
Doon hinahanap sa mga alapaap
Sa paglipas ng gabi,sa pagsapit ng umaga
Sa isang panibagong buhay sa isang umaga
Unti-unting ngumingiti sa akin ang pag-asa
Na masilayan kita at muling makasama
Pagmamahal ba isang pasakit o kaysakit
Damdamin kong nagdurusa halos mapapikit
Luha ay pumapatak di ko alam kung bakit
Sa isip itinatanong ng paulit-ulit
Alaala mo sa akin ang nagpapangiti
Pumupukaw sa damdamin ko bawat sandali
Pinipilit kalimutan ang mga nagdaan
Bakit ba ang lumipas binabalik balikan
Sa isip naglalaro masayang alaala
Ang saya ay naglaho ng ikaw ay mawala
Bilanggo sa nakaraan sa kahapon nagdaan
Ibig kong kumawala ,sakit ay matakasan
Lumisan man ang sugat pilat ay iniwanan
Sa pagmamahalan natin aking pinagkaingatan
Na saan ka man ngayon ang lagi kong dalangin ay
Na ikay gabayan kahit tayo ay magkawalay
Paalam na sa kahapon heto ako ngayon
Larawan ng isang pag aalinlangan noon
Salamat sa iyo ang lagi kong sinasambit
Bi ba't ang kapalaran satin ay kay bait
